Номын сангууд хэвлэл мэдээлэл, мэдээллийн суурь боловсролын дэлхийн 7 хоногийг хямд зардлаар тэмдэглэх аргууд…

Монгол Улсад Хэвлэлийн хүрээлэн, ЮНЕСКО-ийн Монголын Үндэсний Комиссын санаачлагаар “Хэвлэл мэдээлэл, мэдээллийн суурь боловсролын үндэсний сүлжээ”-г 2020 оны 07 сард албан ёсоор байгуулаад байгаа билээ.

Үндэсний сүлжээнд төр, төрийн бус, хувийн хэвшлийн төлөөлөл нийт 15 байгууллага орсон  бөгөөд номын сангуудыг төлөөлөн Улаанбаатар хотын нийтийн төв номын сан нэгдсэн юм.

Энэхүү сүлжээ байгуулагдсан цагаасаа Монгол улсад хэвлэл мэдээлэл, мэдээллийн суурь боловсролыг нийгмийн бүхий л хүрээнд хөгжүүлэхэд хувь нэмэр оруулж, шийдвэр гаргагч болон олон нийтийн мэдлэг, ойлголт, хандлагыг дээшлүүлэх, бодлого шийдвэрт нөлөөлөх чиглэлээр олон ажлуудыг төлөвлөөд байна. Эдгээр ажлуудын нэг нь Хэвлэл мэдээллийн суурь боловсролын 7 хоног юм.

Энэ жил Дэлхий дахинаа 2020 оны 10 дугаар сарын 24-ны өдрөөс 31-ны өдрүүдэд Хэвлэл мэдээллийн суурь боловсролын 7 хоногийг/MIL Week/ тэмдэглэн өнгөрүүлэх гэж байна.

Иргэдэд хэвлэл мэдээллийн суурь боловсролыг олгоход номын сангууд томоохон үүрэг гүйцэтгэдэг бөгөөд энэхүү 7 хоногийн хүрээнд хэрхэн хямд зардлаар олон нийтэд мэдээлэл түгээх, сурталчилах, тэмдэглэн өнгөрүүлэх талаар дараах зөвлөмжийг хүргэж байна.

1.ӨӨРИЙН САН ХӨМРӨГӨӨС НОМ, ЦАХИМ НОМ, ҮЛГЭРИЙН НОМУУДЫГ ХУВААЛЦАХХудал мэдээллийн талаар бүх насны уншигчид ойлголт авч болохуйц сэдвийг сонгоорой.

2. ХЭРЭГЛЭГЧДЭД ЗОРИУЛЖ СУРАЛЦАХ ХЭРЭГСЭЛ БОЛОВСРУУЛАХХэвлэл мэдээлэл, мэдээллийн боловсролын тухай эх сурвалжуудын (дижитал) багц эсвэл номын сангийн удирдамжийг боловсруулаарай.

3. ХЭВЛЭЛ МЭДЭЭЛЭЛ, АНАГААХ УХААН, ШИНЖЛЭХ УХААНЫ САЛБАРЫН МЭРГЭЖИЛТНҮҮДТЭЙ ХАМТРАХШинжлэх ухааны нотолгоонд суурилагдаагүй худал мэдээллийн хор уршгийн талаар хэлэлцээрэй.

4. ШУУД ЭСВЭЛ ӨМНӨ БИЧСЭН ВИРТУАЛ ҮЙЛ АЖИЛЛАГАА ЗОХИОН БАЙГУУЛАХВебинар, сургалт, үлгэрийн цаг, асуулт хариулт эсвэл панель хэлэлцүүлэг байж болно.

5. ЦАХИМ СҮЛЖЭЭНД БУСАД НОМЫН САНГУУДТАЙ ХОЛБОГДОХДэлхий нийтийн харилцан ярианд нэгдэхдээ #GlobalMILWeek хэштэгийг ашиглаарай.6. ВИКИПЕДИА ДЭЭР ХЭВЛЭЛ МЭДЭЭЛЭЛ, МЭДЭЭЛЛИЙН СУУРЬ БОЛОВСРОЛЫН ТАЛААРХ МЭДЭЭЛЛИЙГ НЭМЭГДҮҮЛЭХВиртуал edit-a-thon буюу хянан засварлах марафон эсвэл ХММСБ-ын сэдвүүдийн талаарх нийтлэлийг үүсгэх/шинэчлэх/ орчуулах ажлыг зохион байгуулаарай.

 

Leave a Reply

Your email address will not be published.