Улаанбаатар хотын төв номын сан “Мөнх тэнгэр” Монгол туургатны соёл, урлагийн их наадамд оролцлоо
“Мөнх тэнгэр” Монгол туургатны соёл, урлагийн их наадмыг энэ сарын 6-наас 8-ны өдрүүдэд Д.Сүхбаатарын талбайд болж өнгөрлөө. Наадамд Монгол Улс, БНХАУ-ын ӨМӨЗО, Шиньжян Уйгарын Өөртөө засах орон, Хөх нуур муж, ОХУ-ын Буриад, Тува, Халимаг, Алтай, Сахагийн Бүгд найрамдах улсын нийт 200 гаруй төлөөлөгчид, Монгол Улсын мэргэжлийн урлагийн уран бүтээлчид болон соёлын биет бус өвийн өвлөн тээгчид, соёлын үйлдвэрлэл эрхлэгчид оролцлоо.
Наадмын үеэр Д.Нацагдоржийн нэрэмжит Улаанбаатар хотын төв номын сангийн тасаг салбарын ажилтнууд, Нийслэлийн Соёл Урлагийн Газартай хамтран явуулдаг “Номоо солилцъё” өдөрлөгийг зохион байгуулж, “Монгол туургатны өв соёл” сэдвийн дор номын үзэсгэлэн, ЕБС төгсөгчдөд мэргэжлээ хэрхэн сонгох зөвлөгөө өгч ажиллалаа.