XXI УДААГИЙН “UB BOOK FAIR” ОЛОН УЛСЫН НОМЫН БАЯРТ ОРОЛЦЛОО
Жил бүр уламжлал болгон явагддаг “UB Book fair” олон улсын номын баяр 5 сарын 12, 13-ны өдрүүдэд болж өнгөрлөө. Энэ жилийн номын баяр Ч.Лодойдамбын мэндэлсний 100 жилийн ойг тохиолдуулан зохион байгуулагдаж байгаагаараа онцлог боллоо. Энэхүү баярыг тохиолдуулан Улаанбаатар хотын нийтийн төв номын сангаас 2017 оны 4 сарын 25-ны өдөр номын санчдад зориулан “Гадаад орнуудын номын сангуудын чиг хандлага” уулзалтыг “Номын соёлт ертөнц” ТББ-тай хамтран зохион байгуулсан билээ.
Баярын өдрүүдэд Д.Нацагдоржийн нэрэмжит Улаанбаатар хотын нийтийн төв номын сан төв болон салбар номын сангуудаараа зохион байгуулалттайгаар оролцлоо.
2017 оны 5 сарын 12-ны өдөр төв номын сангаас ОНҮТ-ийн уншлагын “Б” танхим, АСМТ, МБТҮТ, МИТ, Чингэлтэй, Баянзүрх дүүрэг дэх салбар номын сангийн төлөөлөл ажиллалаа.
Уг өдөр
- Чингэлтэй дүүрэг дэх салбар номын сан “Уулсын дундах Улаанбаатар” номын үзэсгэлэн,
- Баянзүрх дүүрэг дэх салбар номын сан “Д.Нацагдоржийн намтар уран бүтээл”-ээр номын үзэсгэлэн гаргаж олон нийтэд сурталчилан таниулга хийлээ.
- МБТҮТ-аас Харааны бэрхшээлтэй иргэдэд зориулсан номын үзэсгэлэн/DAISY, Brail/ гаргалаа. Энэ үеэр Ч.Лодойдамбын “Манай сургуулийнхан”, “Хугараагүй ноён нуруу” зэрэг зохиолуудыг DAISY порматаар уншуулж сурталчиллаа.
- ОНҮТ-ийн уншлагын “Б” танхимаас АХА тэмцээн, Номын сугалааг МБТҮТ-тай хамтран явууллаа. АХА тэмцээнд 60 гаруй уншигч оролцсон бөгөөд эхний гурван байрт шалгарсан уншигчийг ном, CD, батламжаар шагнаж урамшууллаа.
- Номын сангийн 200 гаруй танилцуулгыг олон нийтэд тараалаа.
2017 оны 5 сарын 13-ны өдөр төв номын сангаас ОНҮТ-ийн уншлагын “А” танхим, МБТҮТ, МИТ, Сонгинохайрхан, Хан-Уул дүүрэг дэх салбар номын сангийн төлөөлөл ажиллалаа.
Уг өдөр
- Сонгинохайрхан дүүрэг дэх салбар номын сан “Улаанбаатар” номын үзэсгэлэн,
- Хан-Уул дүүрэг дэх салбар номын сан “Д.Нацагдоржийн намтар уран бүтээл”-ээр номын үзэсгэлэн гаргаж олон нийтэд сурталчилан таниулга хийлээ.
- МБТҮТ-аас Харааны бэрхшээлтэй иргэдэд зориулсан номын үзэсгэлэн/DAISY, Brail/ гаргалаа. Энэ үеэр Ч.Лодойдамбын “Манай сургуулийнхан”, “Хугараагүй ноён нуруу” зэрэг зохиолуудыг DAISY порматаар уншуулж сурталчиллаа.
- ОНҮТ-ийн уншлагын “А” танхимаас АХА тэмцээн, Номын сугалааг МБТҮТ-тай хамтран явууллаа. АХА тэмцээнд 80 гаруй уншигч оролцсон бөгөөд эхний гурван байрт шалгарсан уншигчийг ном, CD, батламжаар шагнаж урамшууллаа.
- Номын сангийн 200 гаруй танилцуулгыг олон нийтэд тараалаа.
Мөн “UB Book fair” олон улсын номын баярыг тохиолуулан хэвлүүлсэн “Номын ертөнц” сэтгүүлд МИТ-ийн дарга М.Отгонбаярын ярилцлага, ОНҮТ-ийн дарга В.Түвшинтогтохын “Номын сангаар үйлчлүүлэх 7 шалтгаан” мэдээлэл, номын сангийн зургийг сэтгүүлийн ковер зураг болгон хэвлүүлсэн нь номын сангийн үйл ажиллагааг өмнөх жилүүдийн номын баяраас илүүтээгээр сурталчилсан үйл явдал боллоо.
