Их Засаг Их Сургуультай хамтран ажиллана
Д.Нацагдоржийн нэрэмжит Улаанбаатар хотын төв номын сангийн төлөөлөл Их Засаг Их Сургуулийн Хууль Зүйн Сургуульд болж буй Оюутныг угтан авах өдөрлөгт оролцлоо.
Өдөрлөгийн хүрээнд тус сургуулийн нэгдүгээр курсийн 500 оюутанд Д.Нацагдоржийн номын сангийн төв болон салбар номын сангийн хаяг байршил, номын сангийн үйлчилгээний танилцуулгыг хийж, 30 гаруй оюутанд уншигчийн карт нээлээ.
Цаашид номын солилцоо хийх, зөөврийн номын сан ажиллуулах, номын санчдыг туршлага судлуулах, хуулийн болон бусад мэргэжлийн сургалтад хамруулах чиглэлээр хамтран ажиллах гэрээнд гарын үсэг зурлаа.